林雅诗被偷电话内有床照！小三威胁公开资料

etin

艺人林雅诗（Grace）近年诸事不顺，时装店因疫情关闭，感情冇着落，仲要被骚扰及威胁。佢今年5月发现经理人兼男友马天乐背佢偷食女助手Ana，两人仲育有一岁儿子，当时Grace自认系蠢女人，随即与马天乐分手。但事件并冇因而平息，最近佢喺社交网发啲令人不安嘅留言：“如果我有事？有2个人要负责！Ana Chang and .................... ”令人非常担心。

而昨日佢又喺社交网上留言，疑似被威胁：“Ana Chang小三对我讲。‘需要我把你的对话微信分享公开分享吗？唔好再将你们的事圈在我身上！’真好笑，你色诱个男人要佢去食死猫，3年搞完一大轮，依家同我讲唔好再将我哋的事圈在你身上？甚么道理？偷我电话偷我资料，然后威胁我分享公开？我都未报警你偷嘢。”

Grace透露同马天乐已分手差唔多半年，但因为是工作伙伴，大家依然有联络，问到点解被威胁？佢话：“小三呢排成日化身唔同帐号喺网上私讯我，话要公开我嘅资料，威胁我，我忍冇可忍，惟有公开呢件事。（点解佢咁做？）可能佢惊我同马生复合啩！佢成日做啲好无聊嘅事，我觉得好烦，没完没了，真系好讨厌，系最强嘅小三。（会唔会搵佢出嚟倾清楚？）我都想，但佢冇听我电话，我哋已经好耐冇见，最后见佢系有次我整亲手入医院，佢哋都喺度，我亦喺嗰时唔见电话。”

问到电话被偷一事，里面系咪好多秘密？佢话：“有好多朋友嘅电话、相片同埋对话，呢啲都系私隐，所以我公开写出嚟，如果佢真系敢公开，我一定会告佢。（有冇啲私密照？）坦白讲同佢拍拖亲密照一定有，床照都有，但唔系个啲核突相，始终我同佢都告一段落，唔想再翻炒出嚟。”Grace表示不清楚对方点解要威胁佢，而马天乐亦知道此事，佢话：“但我唔知男方有冇搵对方倾，如果对方再继续有任何行动，我已保留晒佢私讯我嘅证据，唔排会采取法律行动。”​