林峯拒用美颜滤镜 阿佘惨被磨皮Keep住笑

etin

唔少人都锺意用啲美颜滤镜Apps影相，不过就唔系人人都接受到自己唔同样，好似林峯咁，佢就宁愿以真面目示人！早前有几个粉丝去探佢班，要求合照时林峯非常亲民，更除低口罩帮手揸机自拍，又话个光线唔得，仲逐个逐个影，完全冇明星架子！但当佢发现粉丝嘅手机开咗超强美颜效果时，佢即表示唔需要用美颜滤镜：“哗，佢个美颜好犀利，美到我都唔认得自己。”片段喺网上疯传后，网民都大赞林峯好真又率性！

其实除咗林峯，视后佘诗曼都唔锺意用太强劲嘅美颜效果，之前就试过有个网红搵佢合照，点知阿佘就惨被磨皮变咗“佘精”，但佢都保持笑容，表现劲大方有礼！

不过都有人唔介意变样，好似Angelababy（杨颖），本身拥有娃娃脸，但自己加特效美颜，结果变成蛇精样，下巴尖到拮死人，只眼大到跌出嚟，网民都唔多Buy，叫佢唔好咁多手：“从未见过Baby这么丑”“这是整容失败了吗”、“最丑样的一刻”！

而女神朱茵都玩埋一份，对眼大得恐怖，个鼻变咗间尺鼻，弄巧成拙，网民都话女神崩坏，纷纷举脚反对佢开Filter“你不需特意装扮才是令人沉醉的模样”、“强烈拒绝我的女神开美颜”！