何依婷收埋“裸女”畀家人闹 郭子豪嫌弃超市现金券

etin

昨日是Boxing Day，问到艺人收过最差的圣诞礼物是甚么呢？

​

何依婷：“收过最尴尬嘅圣诞礼物系裸女嘅滑鼠垫，都系几年前嘅事，嗰阵即刻收埋唔畀屋企人发现，但最后都畀阿妈执房时发现，我好似小朋友咁做错事，喺厅度畀人问，我解释番唔系我买，系唔小心抽中，最后我扔咗，因为摆喺屋企会继续畀人闹死。”

郭子豪：“有年最低budget系要100蚊，但我都好好人，买咗2、300蚊嘅礼物，点知最后抽到份100蚊嘅超市现金券，非常无奈，但都实际嘅。”

蔡嘉欣：“收过最差嘅圣诞礼物系警车嘅响钟，因为我哋主题系‘胶着’地交换礼物，所以收到呢个毫无意义、冇实用性，响时又好annoying嘅礼物，最后冇用过，依家唔知摆咗喺边，哈哈。”

陈桢怡：“收过最差嘅圣诞礼物系熊啤啤公仔，因为我屋企已经有太多公仔，所以觉得好唔实用，最后我捐咗畀人，所以大家唔好再送公仔畀我，哈哈。”