主动追富三代？蒋家旻截汤洛雯胡 认恨拍拖

etin

艺人蒋家旻与敖嘉年等演员出席新剧《欺诈剧团》拜神仪式。接受访问时，讲到与敖嘉年亦是同样首次担正，她说：“好开心，冇谂过大家咁夹，同埋我唔记得原来我哋之前系一齐拍过《飞虎》。到知道要同佢合作时好兴奋，有次去salon见到佢，以为佢唔认得我，点知佢同我打招呼倾偈，佢好nice，同埋今次合作click着咗佢嘅幽默感，到收工仲要接住佢啲幽默感，好似打仗咁攰。”

提到她之前接到姊妹岑杏贤（Jennifer）的花球，她笑言：“希望我快啲有另一半啦，但其实我依家都系工作为先，希望多啲工作机会，结婚就比较长远，但Jennifer好想我接到，好想我幸福快乐，都希望会灵。（你接咗汤洛雯会唔会嬲？）我本身想佢接，但因为个花球系佢整，佢觉得自己接番好怪，佢唔使接都一定会结婚嘅。”

讲到有传她被爆主动出击追富三代仁济总理锺培生，她即澄清：“系误会，我从来感情方面唔主动，包场睇戏系跟足工作程序，座位都系对方安排，唔系我要求坐前面，我同佢认识只系工作上见过2次。（你对人冇意思？）冇，只系相识嘅人。（佢追你？）feel唔到，佢交游广阔，我系佢其中一个识嘅艺人朋友。”​