唔Mind孖汤洛雯搵真银 马国明秘密任务冧女友

etin

艺人马国明昨日出席商场活动，透露正赶拍无綫新剧《白色强人II》的厂景部分，幸好有份拍摄的主要演员不多，人比较少，而外景场口暂时只得1、2个，既不是大场面，现场亦没有其他人，加上所有工作人员都有戴上口罩，故就算于第4波疫情之下开工都不太担心：“自己会特别小心，戴好口罩同埋勤洗手，每日都百几宗，网上面都可以查到啲确诊区域，睇完发现好似便利店咁梗有一间喺左近，如果唔好彩中咗都冇办法。”续谓《白》原定会远赴瑞士拍摄，现时都要留意疫情情况，不过深圳外景就必去，因为要连第1辑戏，暂定下年3、4月后起行。

讲到今年商场骚大减，问到是否影响外快收入？他直认有减少：“有啲都改咗网上搞，但其实我大部分时间都拍紧剧，Keep住有工开。（有冇人搵你做除夕骚？）冇问公司。”会否想拍住女友汤洛雯情侣档搵真银？马国明冧笑说：“有就最好啦！自己都唔抗拒，睇吓有冇第1单，最怕冇人搞骚啫！经理人同我讲过有单位喺第4波疫情之前问过情侣价，唔知依家有冇改动。”问到如何跟女友度过首个圣诞节？马国明透露要开工，不过就自爆私下正进行秘密任务：“搵紧礼物，喺网上面睇中咗1份，特别嘅，但好可惜去到铺头话香港冇呢个款式，依家谂紧点买好，定拣第2份。（咩嚟？首饰？）唔讲得㗎！都系啲实用嘢，希望成日用到。”​