【仲差8 KG】倪晨曦坐完月即复工 喂人奶嗌辛苦

etin

女神倪晨曦产后1个月首度复工拍广告，穿上绿色西装的她看似未完全收身，期间获广告商送蛋糕祝贺其囝囝Virgil满月。讲到坐完月就复工，她笑言：“今日都紧张，拍嘢有压力，惊水肿，我都肥咗唔少，我生咗之后轻咗6公斤，但仲要减多8公斤先去番之前咁，但我冇话要1个月内瘦番，要啲时间。”问到坐月时辛不辛苦？她笑言：“头一星期辛苦，我同老公本身仲谂得好轻松，谂住净系叫陪月日头过嚟，点知我一出院嗰日冇瞓到，已经好辛苦，所以我哋就叫个陪月转做24小时，几日后转咗做24小时，我即刻好似去咗天堂咁，可以瞓耐啲。”

倪晨曦又谓现时喂母乳：“都有啲辛苦，因为身体未试过，成个人好似转变咗，谷奶都会痛。”问到老公可有奖励呵番她？她笑言：“佢喺隔篱帮手已经系最好礼物，佢比我想像中亲力亲为好多，佢由我生一路陪住，又帮BB冲凉、喂奶、扫风。（囝囝有冇向你哋‘斟茶’？）有呀，好易就会咁。”她又谓现时出去工作都会挂住BB：“本身冇特别谂，但头先一开电话老公send咗BB相畀我，就即刻好挂住佢。”讲到疫情严重，问到可会为囝囝举行百日宴？她坦言不会：“呢段时间好多人想探BB，但唔想有人嚟屋企，就算爷爷嫲嫲想嚟探BB都要做足消毒工作，我今日收工返到屋企，都会冲凉换好衫先会抱个仔。”​