啲钱唔易赚！冯盈盈擘髀拗腰为影靓相

etin

前港姐冯盈盈（FYY）努力经营社交网站，做到有声有色，佢不停上载自己嘅生活动向，短短时间已吸纳逾41万Followers，同时亦获得唔少品牌垂青，邀请佢出post，据知佢出一个Post价由5万至10万元不等。上载张相就可以有钱收，啲钱睇落好易赚，而FYY都好努力去做好“呢份工”。昨日佢喺社交网站上载咗预备录影《#后生仔倾吓偈》嘅相，录影前当然要医饱个肚先，之后佢再上载一段短片，片中佢就攞住手机影件产品相，为求影到张靓相，见佢擘晒髀兼拗腰，举高双手，仲嘟晒嘴拍摄，影完之后即时睇番个效果系咪满意，十分专业。​