无綫节目《学是学非》中嘅“是非精”陈诗欣(Eunice)同何泳芍(Honey)出席保险活动,台上还播放两人早前拍嘅广告,疫情下可以赚外快,当然开心。陈诗欣说:“今次广告关于健康 ,会解答到大家对疫情误解或者好奇。”虽然有一段时间冇合作,但大家依然默契十足,何泳芍话:“大家都成长咗,再一次拍有唔同感觉。”陈诗欣十分关注健康,每年都会做一次身体检查:“之前因为胃唔舒服,所以都有去检查,有买够保险。”问可会用一半薪金买保险?何泳芍即叫陈诗欣:“你要为你嘅美腿买保险,有呢样保险。”问可有提议好友余香凝尽早为BB买保险,陈诗欣话:“我冇同佢倾过,如果第时佢真系有咗BB,佢会帮佢BB买。”
已离开《学是学非》节目嘅何泳芍被问今次广告题目与“是非精”形式相似,可会挂住?何泳芍说:“其实可以同Eunice再合作会好好玩,医生都有玩埋一份,好似以前做‘是非精’都系呢个感觉,今次用健康呢个题目真系好好,我哋以轻松嘅方法去带出健康资询。”问无綫有员工确诊,会否担心?两人表示今早已接到公司通知,会加紧防疫措施,并大赞无綫这方面做得好好。​
|