瓣数多多的苑琼丹(苑仔),刚完成香港开电视节目《开工大吉77》后,随即投资7位数字进军饮食业,大量生产即食餸包,期望成为圈中“食神”!苑仔坦言老公每晚“粗茶淡饭”,方决定进军饮食业:“因为我工人姐姐完全唔识煮餸,边个餸老公话好食,佢就晚晚畀佢食,食足成星期都系咁,难得老公竟然冇投诉照食,再唔系就咁煮个上海面又当一餐!因为呢个工人姐姐好锡狗,所以我又唔会炒佢,但系咁唔系办法嘛,所以买啲即食餸包看门口,老公就话既然系咁,做咩唔自己投资?依家咪悭番啲买餸钱,又可以畀老公食餐好,总之‘一为神功、二为弟子’啦。” 虽然苑仔不参与烹调工作,但她笑指“临老”做苦力,随时化身做“包装妹”、“外卖妹”:“人工好贵啊,有大订单都未必够同事返工,所以自己顶硬上,帮手入吓餸、抽真空咁啰!” 苑仔讲笑话享受赚钱过程,欢迎任何人约她投资:“我冇乜钱咋,但想搵钱就真嘅,依家晚晚用餸包开饭,叫老公顺手试味畀意见,不过佢死都唔肯出镜帮手做宣传,佢话我做‘食神’,我就话佢系‘赌神’够晒神秘!我啲性格唔可以停㗎,呢排少咗外地拍戏工作,咪围埋度桥搵钱啰!”
|