杨思琦囝囝8个月有20几磅：最近瘦咗少少

etin

艺人杨思琦为将于香港开电视播出的日剧《夏空》唱主题曲，昨日进行MV拍摄，思琦大表兴奋，还专程搵唱歌老师学。佢话近日喺屋企练习，不停哼住首歌，囡囡一听到音乐就好投入，话系妈咪首歌。思琦透露呢套剧系新版“阿信的故事”，好阳光，充满正能量：“套剧同首歌都好正能量，疫情期间系好大鼓舞，睇咗个人都开心啲，系一套好励志嘅剧集，讲女主角奋斗，努力向梦想出发。（似唔似你？）我都向自己梦想出发紧，目标同佢好想似，我锺意演戏、又锺意唱歌，依家又有得唱主题曲，另外我又锺意小朋友，所以会畀心机教育佢哋，向唔同方面进发。”

讲到8个月嘅囝囝，思琦即时雀跃话佢好得意，好好动，有20几磅，自己都唔够力抱佢，佢话：“之前仲好多米芝莲，最近瘦咗少少，可能拉长咗，高咗，佢好贪玩，锺意爬梳化，又开始识讲嘢，叫妈妈、爸爸同埋家姐。”

​