产后首现身！陈凯琳升Cup谷事业线 唔敢讲封肚

etin

​前港姐陈凯琳（Grace）出席拍卖活动，是7月尾生完第二胎后首度出席公开活动。她身穿露肩低胸白裙配名贵珠宝，谷胸示人的她上围明显升Cup，但依旧纤瘦。她笑言少戴名贵首饰，故没要求老公郑嘉颖送给她，又透露现时在家很忙：“99%时间都系着睡衣，今日见完大家就赶住返去凑小朋友。”讲到现时喂人奶的她上围升Cup？她笑言：“有好有唔好，好系见到BB健康，虽然辛苦，两、三个钟就要泵奶，但都值得。”她坦言现时睇住大仔又要照顾细仔，压力较大，幸好嘉颖都会帮手凑仔：“佢放工返嚟都会带个仔出去公园玩同凑细仔。（大仔帮手凑细佬？）佢锡细佬，但仲细未识照顾。（呷醋？）冇呀，细佬未出世已同佢讲定，佢好开心有人陪佢玩。”

问到现时可想追个女还是封肚？她笑言：“唔敢讲，顺其自然啦，依家好忙，如果太快生第三个，会觉得对两兄弟唔住。（老公想唔想？）佢都话睇我意愿，依家都系focus两个仔先。”她又讲到大仔现时很喜欢上playgroup：“成日都要拉住佢走。”现时疫情关系，她回家会先消毒及换衫才抱囝囝。现时可会顾住凑仔不想拍剧？她表示：“冇话唔想，但暂时兼顾唔到，老公开紧剧就我留喺屋企，如果我想拍就佢留喺屋企，难啲两个同时开工。（之前传你离巢无綫？）唔知边度传出，但我同公司仲有约。（有冇人搵你倾续约？）呢排大家都系同我讲凑仔。”而讲到其生意拍档雪姨一炮过近千万买楼，她笑言：“要问番佢。”