高海宁4剧冲视后 黎诺懿恨攞视帝

etin

艺人高海宁（高Ling）与黎诺懿现身剧集《C9特工》的宣传活动，高Ling一连四剧播出，《C9特工》剧终于进入结局周，问到高Ling心情，她说：“一次过播晒四套，我系好开心，之后可以休息吓，但我冇晒存货，依家剩返番一套《七公主》未出街，有番啲存货个心会定啲，我怕观众下年见唔到我。”黎诺懿即安慰对方说 ：“你呢段时间可以返大陆拍剧先啰！我今年播得一套，但都系得番一套存货，我都想拍多啲剧。”他透露有三个关于煮食的综艺节目，故最近忙于构思菜单。

高Ling称早前做过街头访问，访问观众对她连播四剧的反应：“反应好好，大家都话睇晒四套，收到好多鼓励好开心，观众最锺意《C9特工》。（有冇话睇到腻？）连播四套都唔到我控制，观众都明白，佢哋话见到我进步。”

对于连推四剧是公司为高Ling夺视后铺路，她坦言：“我唔敢谂视后，呢啲系天时地利人和，唔到我控制，我只系做好本分。”至于黎诺懿既有拍剧又做主持工作，他说：“我希望可以攞最佳主持、最佳节目同视帝三个奖，到时我就可以息影，为息影铺路，如果公司畀我，证明尊重我，如果唔畀我就即系我有利用价值。”​