谭凯琪39岁生日变女王 杨爱瑾化身厨娘煮足6个钟

etin

艺人谭凯琪自怀孕后留喺屋企专心安胎，早前更令九龙塘复式豪宅曝光，非常豪华，昨日39岁生日嘅佢，成班朋友上佢屋企庆祝生日，更视佢为女王一样，煮到成枱都系嘢食，非常有心！即将“卸货”嘅谭凯琪，虽然块脸略见浮肿，但望落精神唔错，头戴住“Happy Birthday”头箍兼着住彩色上衣，佢喺社交网留言今年生日，对佢嚟讲特别有意义：“今年对我来说意义十分重大，多了两个新的身份，谢谢上天给了我一份珍贵的生日礼物，我已准备好迎接喇，谢谢一直陪伴我的你们！”而杨爱瑾更为寿星女化身“厨娘”，煮足六个钟头饭都冇怨言，谭凯琪留言：“认识呢位靓人妻许久了，今年佢话佢亲手下厨，足足煮了6个小时，超有水准的一餐，好窝心啊，谢谢你为我准备的一切！”​