陈展鹏爆小猪比玩电掣 索性换晒全屋风扇

etin

艺人陈展鹏出席杨柳青与林子超开办的健身艺术教育学校开幕，问到展鹏咁支持专程过嚟，佢话：“佢哋话永远赞助我小朋友跳舞，咁呢个交易都好ok㗎，依家倾紧赞助全家人。（生多个抵啲？）生多个随缘。”

讲起岁半大的囡囡小猪比展鹏即刻慈父上身，一副冧样话：“佢依家好可爱、好好玩，仲识得啤住人。（似边个？）我爸爸妈妈话似我多啲，咁似我都有好有唔好，希望佢似我啲好嘢。（有边方面你最唔锺意？）依家佢识得坐低食嘢，就要样样自己嚟，好独立，佢掂过嘅嘢，你搞佢佢就唔锺意，唔听教，佢要自己嚟。但有时会惊佢危险、整亲，似家佢都会玩电掣，见我哋开风扇，佢又会掂，搞到屋企啲风扇要全部换过晒，换啲冇叶嘅，惊一时唔留意整亲，总之最紧要安全。”展鹏锡女锡到燶，佢话完全感受到如果阿女整亲痛，畀佢整亲更加痛，佢话：“之前同佢去打针，仲要打好几支，佢喊我，我真系个心都痛埋。”

问到依家系咪忙拍剧？佢表示手上的剧集啱啱拍完，要到年尾先再开工，依家忙音乐，问佢系咪出唱片？佢话：“唔系，都系单曲，咁拍咗咁多年剧，希望有其他突破，都想喺音乐上可以做到啲嘢，希望可以顺利完成晒。”​