暂时制止“跳船”潮 亚视冧掂佳丽有一万蚊派

etin

《2020亚洲小姐竞选》香港区赛事亚视大埔总台宣布入围14强名单，惟举行地点只是在亚视大堂，就连一块布景板都冇，安排相当简陋。众佳丽齐以露腰背心配长牛仔裤登场，其中大露腹肌的（2）林宝玉、被封讨论区女神的（8）高文君及（10）蔡小蝶状态大勇，至于（3）周倩谊、（4）张玥及（7）吴燚曦则是高妹组，三人平均身高为1米77。

亚洲电视执行董事陈伟杰表以肯定语气表示，100%于11月1日举行香港区赛事，讲到日前被揭亚姐触发“跳船”潮，三分一佳丽斩缆嗌唔玩，他相信不会再有佳丽退选︰“佢哋每个人都好有斗心，亦有同大家倾过，佢哋都好想继续参加比赛。”

对于有佳丽投诉于训练期间呆等时间过长，他承认有听过︰“开头的确系安排得唔系咁好，但喺呢两、三个礼拜开始，一定有一个详细嘅时间表畀佢哋，好清楚写明有咩训练，因为都知道佢哋有啲要返工、做私事，都要畀时间佢哋准备。”

是次活动举行得好“Hea”，问是否关屡传财赤有关？陈伟杰解释想让大家一睹亚视翻新后的景况︰“系特登拣喺呢个新标志下做，外墙、大堂都装修得几靓，如果真系财赤，都唔会拎到1,500万出嚟装修。”

够资金向入围每位佳丽派发一万元奖金？他说︰“嗰度好少钱，得15个攞到。（依家14个，咪可以悭番一万？）唔悭，嗰一万我哋谂住做慈事捐咗佢，始终都有预到呢笔钱。”亚姐近日是非不断，问如何给信心予入围的14位佳丽？他强调一早已讲好香港区赛事后才“派彩”：“可能有佳丽唔清晰，但现时已解释清楚，冇佳丽因为要延迟拎一万蚊而离开。”