爱无分年龄界限！森美话思想沟通最重要

etin

63岁的紫金矿业董事长陈景河与38岁的钱冰结婚，双方年龄差距达25年引起网民热烈讨论，到底艺人可以接受自己另一半嘅年纪差距有几多？

无綫娱乐新闻台女主播吴紫韵爱“忘年恋”，她说：“我觉得年纪大过我嘅人都几吸引，就算大过我二十年都冇乜问题，反而细过我嘅话唔可以太细，我谂一定要十年内，我唯一担心系对方思想唔够成熟，而唔系因年龄上问题，年龄对我来讲唔系一个太大嘅考虑因素，而且我身边好多朋友，无论系锺意同性或者年纪相差好远，都可以有一个好幸福嘅家庭。我以前嘅男友最大系同我年龄相差十年左右，亦试过同细过我两、三年嘅人拍拖，年纪细会比到好多新鲜感，因为佢哋对于爱情好热血，年纪大过你就会好照顾你，各有各好处。”

徐少强女儿徐頴堃认为爱情不在乎年龄差距，她说：“我觉得年纪差距不是关键所在，最重要是彼此关系有一定的基础，互相尊重、信任，目标一致，更何况两个人相处舒不舒服，只有他们两人最清楚，所以年龄只是个数字呢，希望他们新婚快乐，甜甜蜜蜜！”至于艺人森美就笑说：“我觉得呢个年代结婚年龄系无分界限，以前就话要生小朋友，所以年纪就唔好相差太大。依家最紧要睇思想，唔好细到乜都唔识谂就得。”

艺人林子超则说：“两个人嘅婚姻，系唔受年龄限制，尤其系依家呢个年代，我觉得只要大家两方面，感觉啱，咁就系一段好嘅婚姻、好嘅爱情。我接受到嘅年纪差距系十年，即系大我十年，或者细我十年，因为好多后生过我哋嘅人，都好成熟，所以可能思想上都脗合到，又可能依家都好科技发达，好多唔同媒体，吸收更多嘅新事物，唔代表大过我哋就沟通唔到，所以十年嚟讲系我接受到嘅年纪。”​