刘丹反对孙女上真人骚：佢冇乜表演欲

etin

艺人吕慧仪、刘丹、滕丽名、汤盈盈、单立文、周嘉洛等人，到将军澳电视城出席《爱．回家之开心速递》“金秋盛宴”。吕慧仪孖住刘丹受访，提到爆出有内地亲子真人骚邀刘恺威及囡囡“小糯米”演出，但杨幂反对，令两人关系闹僵，对此刘丹坦言：“其实唔只妈咪，我个仔都反对，佢唔想个女参加节目，佢都唔系好拿手呢啲节目。（孙女想唔想参加？）佢都唔系好识呢啲。（佢有冇表演欲？）佢都麻麻地，系有时学校同成班同学仔一齐玩就冇所谓，我哋屋企几个人，包括仔、我都唔想佢上节目曝光。”

见到阿蟹手指受伤，她笑言因昨晚下厨时弄伤，她自嘲是“论尽妈咪”：“个仔见到我整亲，就话我‘只手指粗咗好多’，不过佢都有即刻锡番我，我都冧嘅。”她又笑言囝囝“蟹籽”已惯她的论尽：“我有时撞到、跌倒，佢都帮我、呵番我、凑我咁，所以有时我唔想咁醒，想沉醉于畀人呵护。”

问到孙女可会论尽易整亲？刘丹就表示：“佢锺意喺屋企周围走，喺街就惊佢跌亲。”两人又希望疫情可以快些过，让小朋友能出去“放电”，吕慧仪即笑言现时开学就好，囝囝可以与其他小朋友玩。两人又透露“小糯米”和“蟹籽”同年，但从未见过面，吕慧仪笑言：“希望将来有机会可以带出嚟一齐玩。”两人更打趣可以对埋亲家。​