撞车后复工！杨明自爆畀猖狂男同志丧摸

etin

艺人杨明之前撞车后已复工个多星期，昨日他与王君馨为无綫新剧《我家无难事》拍摄外景，剧中二人有感情线，杨明精神不俗，心情亦已平复，拍摄期间与工作人员有讲有笑，他接受访问时说：“交通意外发生后初期，系难平复啲，不过公司同监制Amy姐（王心慰）对我好好，好多谢佢哋，依家自己都埋首拍，心情亦整埋好。”

虽然剧中饰演设计师，但他之后都要拍滚落楼梯的戏份，说到之前撞车时他撞亲尾龙骨及盆骨，杨明表示剧组为迁就他，安排迟些才拍摄，他指这些部位仍有点痛，不过他就找了一位出名的啪骨师傅，帮他啪骨矫正位置，他谓：“去咗两次，佢Chok个条颈时，我成条尾龙骨都啪到有声。（痛唔痛？）舒服多过痛，好多旧患同啲歪咗嘅位都正番晒，之后都要再去。”

于此剧中，杨明与黄嘉乐有疑似HeHe的场口，剧情讲述二人是好兄弟，但行为令家人及君馨都误会二人是“一对”，问到会否有HeHe咀戏时，他谓：“我未睇到（剧本）喎！暂时有啲一齐瞓喺床，剩系着孖烟囱通屋走嘅戏份，其实以前同啲同学去宿营都系咁样。”问杨明现实生活中曾否有同性恋“埋身”时，他谓：“细个多啲，人老咗就冇，试过畀人轻薄，有啲恶意，有啲系善意嘅，我自己都认识好多同性恋朋友，佢哋好尊重我。（恶意嗰啲对你点？）见到你想食咗你咁样，想嚟非礼你、周围摸，我系呆咗㗎，啲眼神好想侵食你咁！”​