孙慧雪厨娘开班 连踩近24粒钟！

etin

艺人孙慧雪（雪雪）除了幕前工作外亦身兼KOL，疫情期间在社交平台成立“雪子士多”，直接向品牌入货然后在网上推销有关商品，成为“带货女王”。她最近又开设网上甜品烹饪班，拍摄教学影片，打破地域界限，无惧疫市！

雪雪指现时流行网上教学：“只要畀钱买个网上课程就可以睇片， 好多人做紧呢样嘢，仲做得好成功，啲片可以卖畀世界各地嘅人睇。”她日前就为了节省化妆及借场地费用，不惜马拉松式拍摄了七集甜品课程，接近24小时不眠不休：“真系好似铁人耐力赛咁，我由朝早七点开始化妆准备，拍到第二日朝早六点先收工，边整甜品边拍摄。前一晚我仲准备定制成品以防万一，从来未试过咁辛苦，平时煮嘢系好开心，拍嘢又好开心，但两样夹埋一齐做，仲辛苦过拍剧。我整甜品整到想呕， 因为长时间太专注同埋企得太耐。（示范咗咩甜品﹖）有七彩蛋黄酥、水信玄饼等，全部系酒店级甜品，个食谱我试咗好耐。”

除了拍摄教学片，雪雪还会开直播解答学生疑难：“畀咗钱就可以入群组上载‘功课’，每两星期会开直播解答，睇吓学生整出嚟嘅甜品有冇咩问题，大家交流心得等等。”​