郑俊弘过大礼！何雁诗爆阿爸劲满意 蔡思贝感动到喊

etin

歌手何雁诗将于11月7日和郑俊弘（Fred）在港签字结婚及摆酒，昨日准新郎联同何雁诗的好姊妹陈滢、蔡思贝、赖慰玲等人到女家过大礼。陈滢于限时动态中开心分享喜悦，见女家墙身贴有大“囍”字、吊灯又挂上写有一对新人名字的喜庆装饰，而何雁诗及Fred均盛装上阵，与众人High爆抛高喜饼！

何雁诗接受访问时表示：“过大礼过程成两个钟，都好开心呀，虽然我同Fred较西化，但阿爸、阿妈系好传统嘅人，所以做足仪式，仲请埋大妗姐嚟讲恭喜说话。”她说收到Fred所送的鲍鱼、花胶、冬菇等海味外，还有椰子、嫁女饼、金猪链及龙凤鈪，她又爆：“阿爸好满意Fred啲礼物，仲话养咗我咁多年，终于有咁多礼物收！（你有冇开心到喊？）我冇，但蔡思贝就感动到喊，我都祝佢快啲结婚。班姊妹玩得好开心，佢哋不停抢嫁女饼，祝我连生贵子。（Fred使咗几多钱？）我唔知呀，我都想知，只见佢签支票咋。”

问到婚宴愈来愈近，心情可愈来愈紧张？她说：“都开始紧张，因为疫情关系，我同Fred有好多嘢要倾，要set定Plan A同Plan B！（可心急生BB？）顺其自然，我同Fred都锺意小朋友。”​