孖女神船P！关楚耀捉张曦雯合照 唔怕正印嬲？

etin

艺人陈滢近日忙于拍摄新剧《飞虎之壮志英雄》，日前佢忙里偷闲，相约一大班好友出海开船P。当中包括高海宁、蔡思贝、张曦雯（Kelly）、朱韵韵，五女齐齐瞓喺船上头贴头合照，各人摆出唔同表情，又嘟嘴又伸脷，少女味十足，被网民大赞最高颜值女神团！现场仲有两位“不老男神”张兆辉同苗侨伟，关楚耀（Kelvin）都喺度添，男神女神聚首一堂，真系难得！值得一提嘅系，Kelvin非常“专一”，净系同Kelly合照，事缘Kelvin同Kelly曾于无綫节目《美女厨房》眉目传情，佢更自认被女方嘅美艳迷倒，但佢咁亲密咁同异性影相，唔通佢唔怕正印空姐女友Joann呷醋？​