新戏角色似自己 蔡卓妍被误解唔澄清

etin

由艺人蔡卓妍（阿Sa）及男星佟大为主演的英皇电影《圣荷西谋杀案》明天开画，戏中讲述阿Sa一心想逃避不伦之恋而出走往美国的圣荷西，阿Sa笑言，角色部分性格与自己算是接近：“角色不拘小节，系一个有啲乱七八糟嘅人，某部分好似自己现实生活中嘅性格，不过佢嘅内心会有更多压抑，演出时，我只要将佢嘅感情好直接咁表现出嚟就可以。”

戏中角色面对第三者的指控时有理说不清，现实生活中的阿Sa，每当被误解的时候，又会如何反应？她坦言：“随住唔同年纪，会有唔同反应，年轻时觉得被误会系天大委屈，好急同全世界澄清，但成长到某一个阶段，就会明白有啲嘢并唔系三言两语可以解释，既然唔能够左右到其他人嘅想法，咁就无谓多讲，清者自清。”

而在压轴的高潮戏中，阿Sa称拍摄时心理压力极大：“呢场戏要一气呵成，中间唔能够有休息、停顿，所花费嘅气力同能量都好高，我好惊自己出错，会对大家造成影响，所以真系要完全投入，用尽气力去演，就算受伤都没所谓！”现场有武术指导从旁监督，确保演员在安全的状况下演出。​