王君馨脚伤坐轮椅 孖唐诗咏开P惊现神秘男

etin

艺人王君馨（Grace）近日忙于拍摄新剧《超能使者》，原来套剧前日开心煞科，当中梗系有Grace嘅戏份，不过Grace就自爆佢竟然唔小心伤咗只脚，行动不便加上要赶戏，可怜佢要揸住自己架“私家车”轮椅周围走，最惨嘅系佢冇得自己“开车”，要公司保安帮手推住佢去开工，认真唔方便。

不过镜头一转，同剧嘅唐诗咏就上载咗一张开P庆祝嘅合照，相中见到王君馨、唐诗咏、伍乐怡同刘颖镟四个女仔头贴头咁，一睇就知姊妹团又有新人脚，佢哋仲先后留言话系“一家人”，不过最令人有兴趣嘅系众人身后有块大镜，竟然倒映见到有位大只神秘男负责揸机，咁啱位男士只手就挡住自己个样，搞到一班网友系咁估到底系同剧演员，定系神秘男其实系四女之中某一位嘅另一半呢？不过睇见林子善上载当日开P嘅大合照，睇番套衫，原来系陈山聪咋！​