同高海宁亲热嗌唔够！马国明唔惊汤洛雯扭耳仔

etin

艺人马国明及高海宁（高Ling）以剧中造型出席下周播出的新剧《C9特工》宣传，众人大玩游戏，挑战整沙律斗厨艺。提到《唐人街》临时抽起，改播此套拍了两年的“仓底货”，对此两人大感惊喜，马国明表示：“其实之前排过出，但唔知点解抽起，都有一、两次，但唔会伤心。”高Ling就笑言：“但我伤心喎，所以依家突然播出就好surprise。”马国明亦谓：“其实都冇谂过，因为《唐》budget大，通常临近台庆月都系播budget大嘅剧，但亦唔系话我对呢套剧冇信心，虽然budget唔大，但剧本几好，系我锺意嘅小品，轻松得嚟又好多感人位，笑中有泪。”

他又笑言两人剧中有亲热场面：“我申请番嚟㗎，可以同女神合作，但高Ling今次都好大突破，今次要演个肥师奶。”高Ling开心谓：“连续4套剧出街，但角色、造型、性格都唔同。”问到两人亲热场面是如何？马国明笑言：“我哋系两公婆，会喺床上倾偈。（净系倾偈？）求婚都有锡，但申请唔到其他，promo已经出晒嗰啲亲热画面，拍嗰阵我心跳加速㗎。”问到可会不准女友汤洛雯（靓汤）睇亲热场面？他笑说：“唔会。（会一齐睇？）冇所谓。（唔怕畀佢扭耳仔？）唔会嘅。”身为靓汤好友的高Ling说：“我哋可以一齐睇，靓汤好大方嘅。”马国明又大赞高Ling专业，拍第一场戏已整亲个头，但仍坚持继续拍摄，高Ling笑言：“医生话会自己好番，依家好啲，好似仲开咗窍。”​