陈家乐讲明唔急结婚 连诗雅点算好？

etin

艺人黄翠如及陈家乐出席时装品牌摄影展活动，两人一起受访，讲到家乐晒黑了不少，他表示近日有跑步、行山、出海滑水：“我有同Michelle（卫诗雅）一齐滑水，佢好劲，成个水上人咁，但我就好惊。”问到行山可是与绯闻女友连诗雅（Shiga）一起？网友指两人情侣装行山？他即笑言：“唔系情侣装，咁啱得咁桥同一只色，因为我大汗，所以就着嗰只色，系冇夹过嘅，但同咩人行山就唔讲太多啦，因为好多人。”

问到翠如可有一起行山？她就谓与Shiga会到陈自瑶屋企做瑜伽：“佢哋两个运动好好，佢哋会安慰返我，我哋都有一齐玩过空中瑜伽，但好难。”问到可会很难约到Shiga行山？她笑言：“佢行山好高级，一开头行50分钟山，我已经有压力，佢依家仲要行四个钟嘅山。”问到家乐行四个钟的山可有难度？他即笑言：“我系跑嘅，一个钟，时间唔系太啱。”两人又表示私下没有见面，今次是第一次见面，互笠高帽，翠如大赞家乐好靓仔，凡女仔都会锺意，家乐亦大赞翠如靓女。

此时家乐拉开话题讲工作，透露之前与卫诗雅拍完《不日成婚》：“我哋做一对准备结婚嘅情侣，佢想结但我就唔想结。”问到现实生活中可想结婚？闻言家乐即惊讶笑言：“哗，唔急嘅，努力工作先，未搵够。”问到Shiga可想结婚？他即尴尬面红笑言：“唔答，唔识呀，讲番套戏啦。”翠如亦帮口话：“结婚有咩可以问我，因为我有知识。（Shiga有冇向你请教结婚意见？）我喺海外结婚，所以佢都有问一啲关于我嘅嘢，佢一个好好嘅女仔，希望佢开心，佢心哋好好。”另外，提到之前被曹永廉卷入政治风波，翠如即谓：“之前讲过，最好嘅回答就系唔答。（觉得无辜？）唔答。”​