蒋怡火辣泳装Hot爆 老公猛叫着少啲

etin

名模蒋怡（Coco）穿过无数靓衫，早前为代言品牌拍摄新一辑广告，她分别以露肩、大露背装和高衩泳装上阵，演绎不同美态。她表示事前在家试身时闹出不少笑话，其珠宝设计师老公翁狄森一见她穿上火辣泳装，立即“手机先食”私影老婆性感照作珍藏，令她啼笑皆非，她说：“件泳衣一来太性感，二来唔够长有啲紧，我带返屋企试着，谂紧打底定唔打底，喺楼上试身时发现漏咗电话喺楼下，如果畀工人姐姐见到唔好，于是就叫隔篱房嘅老公过嚟帮我影。佢就好开心系咁影，不断游说我‘唔好着打底’、‘少布先靓’。到朝早送我出门口去影楼时，佢仲追问会唔会影相畀佢睇，我话唔畀，佢就好得戚咁话自己手机都有。”她直言觉得老公的举动很搞笑：“佢自己都笑自己，话边有老公咁样，叫老婆着少啲？”不过，Coco对自己仍有本钱性感，实在开心也来不及。

照顾家庭挨到周身痛

现在每天照顾两名小孩和炮制一日3餐，消耗Coco不少心力和体力，她觉得女人要保持靓，必需有充足睡眠和做适当运动，但对她来说，这两件事也是奢侈品，自言挨出一身痛症，并说：“自己有肩颈腰痛，要睇物理治疗，我通常做Facial同按摩时，顺便见埋物理治疗师，但呢排好耐冇做，搞到成身肌肉好紧。（带老公一齐做？）佢梗系唔好意思去，系有一次佢整亲肩同手，介绍佢去做，佢觉得嗰度系女士嘅地方，讲咗好耐先肯去。”