最霉户口得两位数！王浩信度Gag 挑机做笑匠

etin

王浩信在剧集《反黑路人甲》的演出备受好评，喜感十足，颠覆以往的正经形象。他早前获谭咏麟点名盛赞够搞笑，对此他谦称不敢当，自认是喜剧界初哥：“拍摄时同对手战战兢兢咁度啲嘢出嚟，听到观众话好笑，已经系最开心嘅事。咁多剧种之中，喜剧最难演，因为要好集中。拍喜剧好辛苦，但我好享受，因为我个人无聊，荒诞啲啱我。（囡囡有冇睇？）有睇吓，都有笑。”

讲到最深刻及最难演，浩信笑言是喊到流出长长鼻涕的一幕：“好难搞，因为唔系我控制到，嗰条鼻涕系神来之笔！（凭呢套剧角逐视帝？）唔敢当，唔敢谂咁多。”不过，他坦言希望向喜剧路线发展：“《反》剧系有少少试水温，我想用喜剧一路行落去，因为好锺意，希望下年试写剧本，想写喜剧，有朋友想一齐做啲嘢，计划中，暂时开住空头支票先。”

自设10年“大限”

2011年与陈自瑶结婚并诞下一女的他，如今事业、家庭得意，但亦有过艰苦日子。他自爆初入行时穷到燶，户口只有两位数字，但没想过放弃：“好长时间都系咁，有5、6年，但唔系一直都系双位数，有时三位同四位。我畀10年时间自己，我20岁前做平面设计，20至30岁就放喺自己锺意嘅行业，如果唔得就走，做番平面设计。（当年点挨？）有一班同样情况嘅人，包括农夫嘅C君，冇嘢做就一齐倾偈、踢波、搞音乐，咁就过咗嗰段时间，好感恩有佢哋喺身边！”