汤怡取代邓丽欣做新一代阿宝 获封“最强眼镜妹”赢晒

etin

艺人汤怡近日于无綫剧集《反黑路人甲》成功弹出，更被封娱乐圈“最强眼镜妹”，再加上，因她形象健康，私底下热爱运动又懂得下厨，继李佳芯、唐诗咏后，获网民封为“绝世好女友”！

原来在《反》播出之前，导演叶念琛已钦点汤怡成为新一代“阿宝”，担正英皇电影新片《盲女惊魂》，叶念琛导演表示，2012年已曾邀汤怡合作《天生爱情狂》，之后一直有留意她的成长：“近年汤怡戏路渐阔，演技不断有进步，我一直想同佢再次合作，终于有机会实现。”他早已听闻汤怡在《反》的角色讨好，这个时候有突破表现也是意料中事：“近几年，我同一班男性朋友提起汤怡，大家都会将佢封为女神，系时候独当一面，当一个演员去到某个阶段，累积一定程度的好感、观众缘，碰上一个好角色，就能够发光发热！”正当汤怡人气急升，今次为《盲》演出，自然备受外间注目，叶念琛谓：“既然大家都觉得佢系女神级代表，喺接落嚟嘅新戏中，无论演技及角色设计，都会带一个意想不到、从未见过嘅汤怡。”

获叶念琛钦点为新一代“阿宝”，汤怡感到万分荣幸，她开玩笑道：“我从小就睇叶导演嘅电影长大，佢搵我演新一代‘阿宝’，当然非常开心，期望导演可以为我设计过往从未演过嘅角色，尤其跟自己性格反差更大一些，出道以嚟我一直畀人斯文嘅感觉，我渴望尝试好似《宫心计》剧中嘅狠毒奸角，又或者硬桥硬马嘅打女。”汤怡在《反》轻露香肩与美腿成为话题，来到新片《盲》，会不会有更进一步的突破？她谓：“我觉得，演员要突破嘅话，就一定要尝试，喺《反》除咗开首一幕床上戏，我仲要被吊喺27楼高嘅栏杆之外，虽然可以用替身，但我觉得自己亲身上阵，效果一定更好，唔好睇我外表柔弱，其实我几硬净，愿意接受唔同挑战！”

被封为“最强眼镜妹”，汤怡解释造型源由：“第一次见监制导演，佢哋望咗我个样好耐好耐，然后话我唔笑嘅时候睇起嚟好恶，试咗几款眼镜，戴上后眼神果然柔和好多；拍咗一段日子，导演话呢副眼镜真系帮咗我好多，同时我要多谢摄影师同灯光师，一出场嘅华丽转身，我自己都好喜欢。”至于继唐诗咏与李佳芯后，成为“绝世好女友”，汤怡谦称各有各好，很开心能与视后女神相提并论：“问到我系咪一个好女友？咁样讲啦，两个人相处一定要磨合，我睇到朋友拍拖，同平时跟我相处嘅佢完全唔同，经常毫无道理搵交嗌，令我时刻提醒自己，下次拍拖应该用乜嘢态度去解决问题，希望喺未来男友心目中，我真系可以成为一个绝世好女友！”​