|
无綫处境剧《爱．回家之开心速递》不时都会搵啲“大人物”客串，令剧情更生色不少！继早前有欧阳震华、陈炜、冯盈盈后，昨晚有苗侨伟（三哥）同米雪登场喇，两人饰演宠物保健品代言人，为新铺开张剪彩！“熊若水”吕慧仪喺社交网大晒合照：“我哋小职员顺便追星！正！”真系十足十现实一样！其实两人1982年前曾合作电视剧《苏乞儿》，剧中米雪同影帝周润发本来系一对，两人一见锺情，好快就成为一对恋人，但后来两人因误会而分开，米雪其后就遇上苗侨伟，苗侨伟就向佢求婚，米雪知道同发哥冇可能再一齐所以就接受咗苗侨伟！
相隔23年，两人再合拍《学警雄心》，两人一段中年恋成熟带点含蓄，其中一段苗侨伟向米雪示爱嘅戏份，就好似重演两人喺《苏乞儿》嘅一段对手戏！不过两人未能修成正果，因为苗侨伟最终殉职，天人永隔一幕令人印象深刻，观众更睇得激动落泪！嚟到2020年，佢哋又走埋一齐，虽然唔系做情侣，但系已经令网民非常期待，仲话希望佢哋再有机会一齐拍剧呀！​
| 
窥视卡
雷达卡
发表于 2020-8-25 10:20:05
提升卡
置顶卡
沉默卡
喧嚣卡
变色卡
千斤顶
照妖镜