话题女王搵落选港姐接班 冯盈盈睇好赖琦媛：几有趣

etin

前港姐冠军冯盈盈晚上在将军澳电视城主持《#后生仔倾吓偈》节目，邀请了一班刚落选的港姐担任嘉宾，她说：“会等佢哋讲吓有乜遗憾、心情，同佢哋分享吓选完点样发展自己事业，因为我选完之后都有一段时间迷失，唔知目标，等佢哋有个心理准备。”

冯盈盈指有佳丽希望加入节目，问可担心饭碗被抢？她笑说：“我哋好希望吸纳新血去丰富节目，睇嚟睇去都系我哋都闷啦，好欢迎加入，唔怕被抢饭碗。（加入有咩条件？）讲嘢要爆过我，网络上有句潮语，咁多年嚟我都有啲攰喇，作为《#后生仔倾吓偈》嘅爆题女王都好想有新人事，有啲爆炸性言论，取代我都冇问题。（睇好边个？）赖琦媛系其中一个好有潜力。（佢够寸嘴？）佢系一个比较真嘅女仔，几有趣。另一个系罗雪妍，性格好爽朗，不拘小节。”

讲到“电竞女神”Rose Ma（马俊怡）有疑似床照流出？冯盈盈指入行前二人已认识：“同佢系朋友，识咗好耐，但系人哋嘅事就唔清楚详情，唔系好知道发生咩事，所以唔回应太多。（有冇联络佢？）呢排大家工作都比较忙，少联络，同埋对方啲私事都唔会过问。”​