轮住晒恩爱！张振朗杨偲泳情侣泳裤放闪

etin

艺人张振朗与有“巨咪陈妍希”之称嘅女友杨偲泳（Renci）愈恋愈热，Renci不但被揭秘密迁入男方寓所同居试婚，早前更被拍得孖住出海滑水，但因突然悬挂3号风球而被迫折返。可能见上次未尽兴，近日佢哋再次出海，今次仲夹埋时间，齐齐喺自己嘅社交平台放相，隔空晒恩爱。Renci前日率先甫出多段以白色滑水衣上阵嘅滑水片段，又喺船上摆甫士骚腿，而昨日就轮到张振朗接力，晒出着上蓝黑色潜水衣配萤光泳裤嘅独照。见到男友出甫后，Renci亦随即再“加码”晒出另一辑滑水靓相，今次仲换上另一套黑色潜水衣配萤光泳裤，同男友衬到绝，实行以情侣装“放闪”。​