【两名医断症】胡曦文被误诊乳癌 无辜挨刀

etin

商界女强人胡曦文15岁拍广告，开始备受注目。由细靓到大的她原来自小体弱多病，她受访时公开一个秘密，早年经历患癌恐慌，被两位香港著名医生“确诊”9成9患乳癌，开刀做手术后，才发现没有癌细胞组织！自此她钻研饮食保健，发觉只要健康，人就会靓。


胡曦文（Christy）数年前重返社交圈，经营不少生意，离不开时尚扮靓范畴，包括腕表、首饰、唇膏、时装及牙膏等，当中她对健康产品特别上心，因自小是“药煲”，知道健康无价，她说：“好多人都唔知点解我无端端做健康产品，其实有段古，因为我细个好多病痛，耳鼻喉有问题，由小一睇到小六，食好多药都唔好，身体比较弱。早年睇医生，话我有乳癌，好担心！记得睇完医生后，行落街不停喊，自己都唔知去边，之后做手术啦，做完先发觉原来个瘤唔系Cancer，医生都话唔知点解。我睇嗰两个系香港权威嘅医生，一个医生话你系Cancer未必信，第二个医生都话系，我冇办法唔信。其实我嘅人生好多病痛，外表望落去好似几健康、成日笑好开心。”

服止痛药致胃溃疡

Christy透露跟很多女士一样，都有子宫生瘤问题，遇上女性生理期会痛，经常服止痛药，结果吃出祸，弄至胃溃疡。直至有次验血发现自己有食物敏感，包括麦、豆类、鸡蛋和奶，她说：“我细个食好多唔同维他命，又做Gym，以为好健康，但点解都咁多病呢？原来我由细到大每日饮6支奶，其实一直破坏紧自己嘅Immune System（免疫系统），终于明白点解成日好攰，呢几年我唔易攰喇！”

多年来，她看了不少医生博士论文及权威杂志，明白需要“拣饮择食”及配合运动，内外兼备才会有健康身体：“真系唔想令屋企人担心，尤其系至亲。我咁多病痛，点算好？好似我入医院多过老人家。做嘢几成功，如果冇健康都冇用，我只系表面事业上成功，其实好攰，个人冇力，到六、七十岁唔通要用拐杖？朋友成日话我皮肤又白又滑，点解毛孔冇变过，好似十几岁咁，初头我只系想食得健康啲，健康咗之后，连人都后生咗，原来青春秘诀就系咁简单。”

少糖少淀粉质

她分享少糖、少淀粉质的饮食生活：“平日出街食饭，好多餸都落糖，正常吸收已经足够，额外糖冇需要。我依家用减糖、减淀粉质方法，虽然都有食糖，因为我好锺意食嘢，锺意食水果，但水果好多果糖，依家我食无糖酵素都吸收到，1支就等如20斤提子，如果真系20斤提子点食？日日食20斤提子，我会变肥婆，哈哈！”她笑言试过买几千元一樽Cream，又会打美白针：“其实原来唔使，依家基本清洁皮肤就得。”