【离奇家居意外】菊梓乔畀按摩机整伤手

etin

“星梦一姐”菊梓乔（Hana）正忙于拍摄新剧《刑侦日记》，日前她在社交平台的限时短片中，见她上戴一张伤手的相，手腕位置红了一大片，原来不小心整亲，她笑说：“其实有啲搞笑，因为我平时做运动、洗碗或者开工，所以只手长期都有啲攰，咪用按摩机整吓手，但我又挂住整其他嘢，一时冇留意，攞番只手出嚟就爆晒，都冇办法，捽都捽唔散。”Hana表示一专心做其他事时就冇留意，她笑说：“我都觉得究竟自己不嬲都咁大头虾定失魂，我嬲到将部按摩机丢咗，呢几日出街，啲人见到都系咁问我只手乜事，烂晒咁。”她最担心影响拍摄，因为过两日她要拍一场揸车戏，她笑说：“我都有问佢哋可唔可以帮我遮住，佢哋话遮到嘅。”​