陈柏宇开Live被质疑录影 靠呢招验明正身

etin

歌手陈柏宇（Jason）前晚举行线上音乐会，于黑胶唱片店中，孖同门歌手小尘埃、叶巧琳、黄妍、Michael C Crossover献唱10首作品，吸引逾万名网民收看。

制作模式有别于在正规演出场地，故制作团队早在3个月前已经开始构思，Jason更加入创作团队，实行亲力亲为！惟演出时发生了一段“小插曲”，有网民质疑是录播节目，而不是现场演唱，Jason得悉后即时抵死报时，以时间作证，又不禁笑话即使被网民质疑，都好开心：“呢个系Live嚟！点解唔系Live呢？因为实在做得太好，Visual做得太完美，不过呢个先系应有嘅水准，如果你有质疑呢个系咪Live演出，就证明我哋呢个系一个好嘅演出啦！”

除了高质画面令网民喜出望外，Jason更为网民带来彩蛋惊喜，直播期间首度公开献唱2020年首只新歌《感情这回事》，他自爆新歌还未录制完成：“第一次咁大胆咁做，都真系好紧张！觉得唔系好控制到自己把声，但顶硬上！好耐冇做咁大型嘅Show，唔讲唔知，呢个Show嘅筹备、再到器材，都足以撑到一个小型体育馆嘅演出场地。我好满意今次嘅演出，虽然有啲甩漏，但演出前一晚同大家彩排到3 点，然后演出前又再彩排多两次，大家都冇瞓过，希望日后开Live都可以 Keep到呢个水平。”