陈家乐肾石塞输尿管屙血入院经历9级阵痛

etin

艺人陈家乐事业爱情两得意， 近日却突然惊传健康出问题，小便出血需坐轮椅到医院求诊，当时更面青口唇白吓坏其他病人！他受访时承认早前抱恙，待疫情放缓才动手术，又指“出事”后瞒住家人，不想他们担心。

陈家乐早前忙于与卫诗雅投入英皇新片《不日成婚》拍摄，据知该片曾因疫情而停工一星期，随后再传出家乐突然因健康理由请假的 消息。他前日接受专访，起初不欲多谈此事，经记者再三追问终于承认：“系肾石问题！有晚突然个肚痛得好紧要，冇耐仲屙血，嗰 阵凌晨时分真系求助无门，谂住休息吓等天光就去医院，点知已经痛 到根本忍唔到。我去到医院急症室，排喺我前面嘅病人见到我痛到咁，都即刻让路畀我！”

隐瞒家人疫情后做手术

入院后，家乐经详细检查发现原来有3粒肾石，其中1粒跌落输尿管，相信是剧痛原因：“医生话我好忍得，人哋生仔10级痛，佢话我当时情况应该等同8至9级嘅阵痛！本来已经推我入手术室，但疫情关系要先留医一晚做病毒检测，但翌日突然又冇晒事喎！报告出咗原来 系喺输尿管嗰粒肾石已经跌咗入膀胱，相信可以自然排出。”至于其馀2粒肾石目前仍在体内，医生建议家乐“斩草除根”，他则希望疫情回稳才接受手术。

经历今次“男人最痛”，家乐坦言得到教训：“我一向肠胃唔 好，加上有时拍戏去到荒山野岭习惯咗死忍，而呢个故事教训我 以后唔好咁。最搞笑系出院再去拍嘢，导演成日提住我要去洗手间，搞到我变到好似小朋友咁！（吓亲屋企人？）我搬咗出嚟 住，冇讲畀佢哋听，依家惊佢哋睇到报道会担心啰！”

幸而根据往绩，家乐每次“出事”后事业都有突破，当 年于台湾拍摄电影《破风》炒单车断锁骨，即获导演林超贤睇好及加戏；后来拍摄无綫剧《逆缘》撞正与余香凝分手，情伤后人气急升，电影接个不停。照此推论，今 次之后大有机会“更上一层楼”！

​

卫诗雅：叫佢饮多啲水

谈到独居数月，家乐表示仍需时间适应，被问到搬离 家人是否方便过“二人世界”，他即认真说：“搬走系唔想自己日夜颠倒嘅生活影响到屋企人啫！况且旧居得一个洗手间，成日出现争用情况。依家我开始自己煮嘢食，成日发明啲新菜式，可能得自己识欣赏。（招呼绯闻女友连诗雅上 嚟食饭？）唔会！我嗰度好细，点叫朋友上 嚟一齐逼？”

至于《不》片拍档卫诗雅对家乐因肾石经历9级痛，她说：“有听佢讲过，佢唔舒服嗰 日冇见到佢，之后见番佢都觉得佢康复得几好。我有叫佢食多啲健康食物、饮多啲水，身体健康真系最紧要。”