林凯恩同粉丝隔住个Mon庆生

etin

艺人林凯恩（Iris）自入行后每年都会同成班粉丝提前庆祝生日，但因为疫情关系，唔想人群聚集再加上禁聚令，故Iris改以喺网上开直播，同粉丝隔空食蛋糕庆祝，一样过得咁开心，佢话：“开直播希望都可以大家好似有个近距离接触咁，虽然冇得同粉丝玩游戏，但系我哋都保留切蛋糕环节，虽然要自己同自己唱生日歌，但个感觉真系好特别。（有咩生日愿望？）身体健康，希望疫情快啲过去，大家可以振作起嚟，面对更加多挑战。”28岁生日嘅Iris，笑言继续食番未食完嘅蛋糕，同妈妈继续庆祝：“喺屋企等妈咪煮饭畀我，咁已经系最满足嘅生日，生日梗系要同最爱嘅人一齐过啦。”​