新剧谷胸嗲人 江嘉敏现实中都系咁？

etin

艺人江嘉敏热裤上阵，骚腿现身无綫新剧《过街英雄》的宣传活动，讲到她在剧中饰演拜金女谷胸示人，她笑言：“无谷胸，所以冇乜睇头，对我嚟讲真系性感，因为我件衫粒钮差不多要开到肚脐，剧情讲我要模仿一个片段教翠如（黄翠如）去沟仔，教佢点样去嗲男人，所以我先有咁性感演出。不过呢场戏系我人生中NG得最多嘅一次，因为导演同工作人员都话我似一个男人去扮女人。（嗲人唔系你强项咩？）唔系，我唔嗲人！呢套剧出街，相信我男友最开心，佢会叫我以角色嘅性格去对佢，因为角色性格温柔啲，无论声线同肢体动作都似番个女人啲。（你平时打男友？）唔系，粗鲁啲啫！唔会嗲佢啰，现实中系见唔到。（如果你对住男友咁样做，佢会唔想掴你？）我相信佢比较喜欢，我接呢套剧喺屋企读剧本时有练过对白，有边个男人唔锺意女人咁温柔。”

问到拜金女角色，是否监制为她度身订造？她说：“监制同编审想我做啲未演过嘅角色，因为之前都系乖乖女角色，几多谢佢哋畀呢个角色我试，因为系喜剧，我同家人喺剧中都系好贱格，但贱得嚟好可爱唔讨人厌，由头贱到落底，但系开心，因为系喜剧各方面都会浮夸少少。”另外，日前江嘉敏接受新冠肺炎检查，她解释：“我拍完出浴戏就出红疹，因为呢个系其中一个病征，我同监制讲验一验安全啲，期间见过好多家人、同事，为安心起见去验，系阴性，大家都安心啲就继续开工。（担心中招？）都唔太担心，因为我好勤力洗手同换衫。”​