无綫栽培小花做金牌司仪 何依婷随时跑出

etin

郑裕玲（嘟姐）系TVB嘅台柱！相信呢句说话冇人质疑！嘟姐确实系威，赢过香港电影金像奖及台湾电影金马奖双料影后，拍剧《男亲女爱》收视叫好叫座，TVB大骚主持一定有佢份，仲有做埋电台主持人！近年伙拍农夫主持《Do姐有问题》成为唔少观众必看综艺节目之一，不过长江后浪推前浪，已经年届62岁的嘟姐终有一天会退下来，TVB近年亦培养唔少有样有口才小花，给予机会在大骚做主持，究竟边个会系嘟姐接班人呢？

何依婷

港姐出身的何依婷（Regina）笑容甜美，是不少宅男心目中的女神，由《Think Big天地》到主持近年嘅《学是学非》、明爱暖万心等大骚，佢更拍住汪明荃、郑裕玲两位神级主持人，可见公司对佢嘅重视程度。

麦美恩

讲起主持经验丰富何依婷就唔及麦美恩（Mayanne），选完港姐后加入TVB合约艺员，做了两年娱乐主播后，拍摄综艺节目《学是学非》，之后又得森美赏识拍埋《森美旅行团》，Mayanne唔走靓女路线成功以傻大姐形象入屋，口齿伶俐，近年更尽擸大骚司仪演出，连带拍拖三年男友许文轩亦因她受惠。《马来西亚星光荟萃颁奖典礼》、《万千星辉颁奖典礼》都见Mayanne担任主持人，而8月底的港姐决赛大有可能系佢伙拍嘟姐！向来唔多拍剧嘅佢，年初亦入组《陀枪师姐2020》以及即将开拍、与李住芯合作嘅《智能爱(AI)人》。

冯盈盈

冯盈盈系近年话题女王，经常语出惊人，每星期播足5日嘅J2综艺节目《#后生仔倾吓偈》由佢做主持，节目大受后生仔欢迎，但讲得多自然错得多，冯盈盈言论经常受到网民批评，不过口才已经比初出道时进步唔少。冯盈盈第一次主持大骚，应该要数到《2017年度劲歌金曲颁奖典礼》，不过当晚佢同麦明诗甩碌不断，结果被网民狠批。吸取教训后，冯盈盈于2018年主持港姐决赛其中一环节，面对嘟姐姐淡定之馀亦冇乱噏，出色嘅表现获网民激赞。

李旻芳

《东张》女神李旻芳，一张孭狗狗上楼的照片触动万千爱狗人士嘅心，形象健康又冇乜绯闻，甚有观众缘，李旻芳除了主持《东张》外，近年都有做唔少资讯性综艺节目，好似《3日2夜》、《生活100错》、《X偏方 全民拆解》第一辑及第二辑。

陈贝儿

陈贝儿外表端庄，而且中英文流利，绝对系TVB金牌主持人之一，主持过《香港先生》、《万千星辉贺台庆》、《欢乐满东华》、《国际中华小姐竞选》等大骚，而佢更踩入体育界，主持2014年巴西世界杯，里约奥运等，而佢主持《嫁到这世界边端》，流露真情，观众看完后都大呼感动，节目一再添食至三辑，成为她的代表作。

​