“细龙太”被嘲波大冇脑 陈伟琪约仔睇日出男友懒理

etin

《爱．回家之开心速递》“细龙太”陈伟琪（Vicky）入行至今，都相当惹火，一言一行，都会成为网友谈论的对象，由选港姐时被指有契爷关照，到最近被指因形象不佳被飞出《爱》剧，虽然监制已作否认，但是非依然会时刻围住她，有些网友更曾恶意抨击她“波大冇脑”，对于这些负面评语，Vicky坦言：“都曾经为咗呢啲说话而唔开心，但冇表现出嚟，就连同朋友都冇去呻，因为我性格系锺意报喜不报忧，但有时谷埋谷埋，会夜晚匿埋房喊，但依家好啲，我谂通咗，佢哋唔识我梗系唔了解我，我知自己系乜嘢人就得，唔需要解释咁多。”

明年便踏入“29+1”之龄的陈伟琪（Vicky），向来予人感觉都是“享乐型”，社交网分享的大部分都是享受生活的照片，好像只会吃喝玩乐，但其实，她很喜欢睇书写诗，亦不断报课程去学习新事物，看似乐观的她，亦曾经历过两次人生低潮，第一个低潮，是她刚拍毕《爱．回家之八时入席》，她谓：“因为未知有乜嘢新嘅工作安排，好迷惘，我好唔喜欢被动、喺度等嘅感觉，会怀疑自己究竟适唔适合呢行，应唔应该转行。”

Vicky手腕有一个字体纹身，原来就是在这个低潮期时烙下的印记，她笑谓：“呢个唔系乜嘢男仔名，系拉丁文‘I Believe’，提醒我要相信自己，亦因为谂通咗，所以继续做（演艺）。”

第二个人生低潮，当然是去年的醉驾事件，Vicky表示：“当时真系好惭愧同难过，出事之后返到屋企，爸爸妈妈知道我已经好唔开心，虽然好担心我，但都扮冇事好似平时一样，好明白我需要空间去冷静，除此之外，我身边朋友都好好，当然会叫我唔好再犯，同埋支持我，（佢哋有冇帮妳写求情信？）有，佢哋好好争住帮我写，令我觉得自己好幸运，出事之后，令我知道身边全部都系真朋友。”

桃花极旺的Vicky，早前于社交网上载凌晨四点与男友人玩直立板划桨（SUP），正当外界猜测她与外籍男友感情生变，有新男友登场之际，Vicky则亲证跟外籍男友情未变：“真系唔好意思拖咗个朋友落水，佢系教我玩SUP，因为我想学好耐，（点解凌晨四点出动？）可以睇日出吖嘛，（咁浪漫咪仲令人怀疑系新欢？）日出时间系最靓、最啱玩，加上我住西贡嘅，好方便，仲要我平时几点起身都得嘅。（男友有冇呷醋？）报定案啦，（唔叫埋佢？）唔系人人都可以咁早起身。”​