演坏女人被误会！范文雅钻研煲汤 箍实男人心

etin

无綫艺人范文雅凭旅游节目《3日2夜》打响名堂，转入剧组后多数演绎与内敛性格相反的角色，例如坏女人、性感秘书或阔太等，她坦言曾被不相熟的朋友误会人如角色：“自己做咩角色都冇所谓，但唔识我嘅人系 会有少少误解，好彩认识后就改观。我又唔怕被定形，反而好开心因为见 到我就谂起角色，即系做得好。”最想有机会做癫婆角色，挑战自己。

最紧要啱倾啱Channel抗疫期间，范文雅都留在家中，属“宅女”的她爱煲剧、煲汤消磨时 间，她笑说：“人哋话女人系水造，我真系好锺意饮水、饮汤，朋友都话 我系‘水怪’！我隔日就会煲啲简单汤水滋润一吓。”自言单身的她亦认同要箍实男人心，要先掌管男人胃：“识煮餸、煲汤都系优点 嚟，哈哈！依家缘分未到，仲等紧上天安排。我觉得最紧要相处舒服，啱倾啱Channel，有啲朋友成日讲笑话收唔到我个Channel，可能我喺澳洲返嚟，有啲地道Gag有时唔系太明。”

至于择偶条件，范文雅表示不介意是否靓仔：“靓仔反而冇安全感！最重要畀我安全感，希望尽快有啦！自己都到适婚年龄，都有好多好热心嘅朋友介绍紧。”​