同郭奕芯拍拖亲上加亲？杨天宇：唔好搞我

etin

英皇艺人郭奕芯（Ashina）及杨天宇（Angus）合作ViuTV节目《辣伙头·开火》，想不到正如节目名一样，两人甫见面即不停斗嘴，十分爆笑！Angus笑言今次拍节目的快乐是来自Ashina身上：“有时冇意中听到佢讲啲嘢几好笑。（节目内成日斗气？）我承认一开始系多啲，但去到后期攰啦，同埋睇淡件事，我又何必好似针对佢咁。”Ashina就酸熘熘踢爆Angus常与另外两位队友陈欣妍、谭凯伦互喂食嘢：“但佢冇特登喂我，唔讲出口都唔喂，好衰！佢同谭凯伦系直接摆食物落口，而我哋系会摆喺个羹度再喂，佢徒手喂系Sweet啲，令我好嫉妒！”

讲到两人爱斗嘴，十足欢喜冤家，又分属同门，问到可有机会发展“亲上加亲”？Angus未听完问题已落闸：“千祈唔好！”Ashina笑言：“我哋食饭曾经有人问佢锺意咩类型，佢冇啦啦话总之同郭奕芯相反，我真系躺着也中枪！可能我喺佢心中占一席位。”Angus即抢住解释：“咁系因为真系呀嘛！（你择偶条件系咩？）同佢180度相反，即系聪明、矜持，哈哈，但佢OK嘅，作为朋友。”Ashina亦反击说：“我锺意成熟稳重嘅男仔，大我好多年，唔锺意好似啲小朋友，佢唔成熟，呢啲拍拖OK，但唔好结婚。”Angus即耍手拧头：“哗，唔好搞我！”两人互动令人笑爆嘴！

而节目内他们要到餐厅学煮不同菜色，然后实习营运餐厅，Angus认为最难是与队友的合作性，又大爆Ashina曾与队友争执：“事后我就text Ashina，我客观分析件事，我知佢冇恶意，只系有时讲嘢会唔觉意高8度，唔识佢嘅人会谂做乜咁讲嘢，会畀人误会，所以我叫佢加啲‘可唔可以’、‘唔该’。”Ashina就坦言：“嗰集我要做队长，压力大到飞起，我之前同嗰个队友讲要点做，但比赛紧佢冇咁做，所以就kick住咗，我系比较认真同敏感嘅人，我当时当然会唔开心，但比赛完咗就冇事。”​