黎诺懿弃西贡村屋住复式豪宅 天台变私人水上乐园

etin

因为疫情关系好多小朋友都冇得周围去要留喺屋企，做父母嘅就要抽多啲时间陪仔女，好似最近做咗“疫境厨神”嘅黎诺懿都要同阿仔一齐在家“上堂”，不过唔少网民都错重点，见佢屋企对住个维港，望住无敌海景，真系非常夸张呀！黎诺懿同老婆李洁莹（Nicole）不时喺社交网上载囝囝在家生活点滴，间接令其豪宅曝光！屋企有落地大玻璃、圆形大餐枱、大露台等等，而天台更变身菜园，自己种番茄、辣椒、柠檬、蔬菜，仲唔只咁，疫情下更成为囝囝私人水上乐园，仲使出街咩？

而唔少网民都好好奇“黎诺懿住边”，喺搜寻器输入“黎诺懿”就会出现“住边”两只字，其实两人婚后租住700呎西贡村屋，之后决定搬出市区，租住何文田大型豪宅屋苑，单位复式连天台，空间非常大，出入仲方便咗！黎诺懿2014年迎娶家底丰厚嘅落选港姐Nicole，升呢“五亿驸马”，有传当时外家担心黎诺懿生计，所以买入4千万豪宅作为结婚礼物送畀佢哋，睇落女尊男卑，不过黎诺懿小时候家境清贫，细个嗰时屋企攞过综援、住过劏房，最后成功靠一双手闯出头来，凭《爱．回家》中“马壮”一角上位，自始后工作不断成功入屋，养起头家！​