卖身材破“闷”局！菊梓乔扮美人鱼升呢女神

etin

“星梦一姐”菊梓乔日前为纤体美容品牌拍广告，期间化身美人鱼骚纤腰，感觉似在海底畅泳，老板何哲图及品牌老板专诚探班，Hana即识做地献花答谢。

Hana透露今次是入行以来首次拍广告：“几开心！有好多造型同不同新尝试，平时好少着得少布，不过今次纤体为主，希望女士夏天唔好懒惰。（事前使唔使Keep Fit？）有试过疗程，真系几神奇，原来瞓喺度都可以瘦！”

收“满意价”开工

问到是否满意广告酬劳？Hana保持神秘，但直言很满足：“因为有一段时间冇工开，好开心可以接到呢个工作同可以做嘢，前排困喺屋企较多。（酬劳有冇6位数字？）总之OK，系满意价。”问到是否疫情下首个有酬劳的工作？她笑说：“系呀！今次好难得，希望尽力拍好啲，出嚟效果都满意。”

煲剧写歌打发时间

提到之前的代言人是锺嘉欣和倪晨曦等女神，今次进身女神级别，是否很开心？Hana笑说：“希望可以代表唔同嘅女性美，佢哋嘅广告拍得好靓，好开心有份参与。”她亦希望其他工作陆续有来，以及疫情早日结束：“希望大家回复原本工作、生活。（想拍多啲广告吸金？）任何工作都好，想做番多啲嘢，觉得自己懒咗几个月。之前喺屋企真系冇咩嘢做，煮吓嘢食、同粉丝开Live、煲剧同写歌，啱啱写咗首歌，亦顺利录咗，期待出嚟嘅效果。”