欧阳震华拍片教养生 网友：消瘦咗唔少

etin

艺人欧阳震华（Bobby）离开无綫后，转战大陆市场，但因为疫情关系，唔少工作都停咗，所以最近得闲就拍片放上网，近日佢拍咗两条教大家做运动及养生嘅片，见Bobby拍打自己身体各部位，之后话：“全身血液流动的好舒畅。”不少网民都留言话Bobby好似比之前消瘦咗唔少。但片中另一个亮点，当然落喺Bobby嘅港普上啦！佢全程以普通话教大家点做，但佢嘅港普，唔咸唔淡，相当好笑。其实Bobby早前为余诗曼拍摄嘅内地节目《看我的生活》担任嘉宾时，佢以普通话同畲诗曼讲起雪卵嘅话题，已经带畀大家好多欢乐。Bobby接受访问，佢话：“其实我不嬲都咁瘦，你哋觉得我肥只系幻觉。呢个自己打自己嘅运动方法，系我老婆教我嘅，可能佢想打我好耐，又唔想郁手，所以咪教咗我啰！”最后，佢话喺呢个疫情下，大家都要健健康康。​