拖半年终开业 李家鼎李泳豪：疫情生意OK

etin

艺人李家鼎及儿子李泳豪到山顶出席食肆开幕，众人诚心上香，齐齐切烧猪。两父子表示食肆原本在一月底开张，但因疫情关系，延期了三次，今次终于能够举行开幕仪式。问疫市开张可有担心？鼎爷说：“冇得惊，顺其自然。（今次投资咗几多？）同几个Partner（拍档）一齐夹，多谢佢哋对我有信心，咁嘅环境都一直支持。”并强调铺头卫生跟足政府指引外：“仲要加多两钱肉紧添！门口摆咗消毒机，等大家由头喷到落脚。”

​泳豪表示疫市期间特别设置外卖网，可以买小菜、买汤包，方便大家留在家中食饭。问疫情期间，鼎爷几间食肆生意可受影响？他感谢上天眷顾。泳豪说：“我哋依家私房菜都做埋午市，又做埋饮茶，疫情期间生意唔系话十分好，但都OK。”问如果政府要收紧食肆防疫措施？鼎爷说：“只有两个字，认命，唔通够胆做呀？人哋都系想你好啫，我哋会跟足政府要求之馀，仲会加倍。”问这段期间可有见孙仔孙女？鼎爷说：“之前都有一齐行山，但依家就迟啲先啦，始终小朋友抵抗力弱啲，以防万一，Happy时间来日方长。”