冯盈盈唔识做戏 畀导演开咪闹！

etin

靓女港姐唔使畀人闹？冇呢样嘢呀！喺最新一集《#后生仔倾吓偈》中，冯盈盈就大爆自己被导演闹到差啲喊嘅一次。盈盈忆述：“有次拍剧开厂，讲我认番一个好耐冇见嘅哥哥，可能自己嘅谂法同导演有出入，跟住导演就‘开咪’话：‘盈盈呀！唔啱呀！再做过！’咁我当时开始紧张，之后我NG又要嚟多个TAKE，导演有啲情绪咁话‘冯盈盈你识唔识呀！唔系咁做呀！你到底知唔知做紧啲乜呀！’”

盈盈嗌破喉咙，佢话当时对手在场，都拍拍佢膊头，叫佢唔好慌，不过当时已经谷晒眼泪，但就忍得冇喊到，惊影响到拍摄情绪！佢话：“拍完呢场好辛苦，之后导演单独搵我倾，自己多咗一个经验。”而林颖彤就醒目啲，佢话每次知道自己做错，将要畀人闹时，都会自己冲出嚟先话：“我知！我知点做！”截住对方。