无惧疫境！杨明庄思明踩落屋邨茶记开工

etin

艺人杨明与女友庄思明（Lisa）主演的电影，最近常在大围隆亨邨的餐厅拍摄，而该邨有多宗确诊个案。杨明、庄思明、曹永帘昨晚亦有在该邨进行拍摄，Lisa表示知道，所以更加着重卫生：“啱啱知时有小小担心，但冇办法，呢度系其中一个主景，都避唔到，惟有自己小心啲，未埋位时就唔除口罩，不停用酒精搓手液搓手。”杨明则说：“之前未有第三波时，都放松咗，依家成套清毒用品又再出动，同埋勤洗手。（其他工作有冇延迟？）本身应承咗朋友去书展支持吓，依家书展都延迟咗。依家暂时只拍呢套，同埋之前做咗公司有个Show，应承咗好多个月，就算疫情严重都要做，大家都做足安全措施，On Show都戴口罩，第一次戴口罩做Show，嗰次就悭水悭力，化妆只化眼上面。”

问到店铺点，Lisa谓晚市都是做外卖，就算有影响都冇办法，暂时照开夜晚做外卖，大家都希望疫情快啲可控制。问到生意额跌咗几成？杨明说：“初步估计跌咗四成，但仲未到月底埋数。（如果再进一步全日唔开堂食，到时系咪好惨？）我相信周围都好惨。（你哋嘅预算仲可以顶到几耐？）我哋都攞到政府两次资助，都可以顶到好几个月，应该都可以顶到今年，但冇办法疫情一定要搞掂咗先。”​