死口唔认！“女友”冯盈盈空降郑衍峰生日P

etin

现年26岁嘅冯盈盈虽曾与何猷亨传绯闻，但猷亨之后被发现翻挞陈滢，不过盈盈绝不寂寞，皆因佢同爆肌主播郑衍峰关系密切，本月13日系郑衍峰嘅29岁生日，当日盈盈已于社交网上载生日照片，但配上郑衍峰的生日日期“20200713 Happy Birthday”，隔空放闪。



不过，原来甜蜜生日还有后续，两人曾穿上黑白情侣装现身生日饭局，真系盲嘅都睇到佢哋关系几咁sweet！问番当事人系咪想将恋情浮面？郑衍峰依然唔认：“好朋友咁啱撞衫，大家唔使大惊少怪嘅！嗰晚有好多好锡自己嘅朋友来咗陪我过生日，真系好开心㗎！”至于同冯盈盈嘅关系？他谓：“大家喺工作内外都有默契嘅，尤其系工作上嚟紧会有多啲合作，大家留意啦！”

“女主角”冯盈盈亦大方回应，仲出口术𢱑广告赞自己着咩都有宣传效果：“哈哈，都讲过我哋系好朋友，品味差不多，撞衫都唔出奇，更何况件衫系连锁服装店都有得卖，人人都可以买！我觉得服装品牌和首饰品牌，一定要搵我哋两个拍广告，因为原来大家都咁留意我哋衣着打扮😛着咩都有宣传效果👍🏻”