菊梓乔迷上拍剧 同反目张景淳合作都冇问题！

etin

歌手菊梓乔（Hana）连续两年挥低最大竞争对手吴若希，登上“最受欢迎女歌星”宝座，已贵为“星梦一姐”的她最近更转战电视圈拍剧，伙拍“视帝”王浩信、“视后”惠英红、陈炜及黎诺懿等拍摄新剧《刑侦日记》。虽然只是非主线角色，但她一样“全力以赴”背剧本，更夜夜逼自己罚抄，她受访时说：“我啲记忆力好似金鱼咁差，所以咪好似以前读书咁，将啲对白抄喺本簿度加深记忆，呢个‘默书记忆法’真系好有效㗎。”

问到可有发挥机会？Hana直言有对白：“好过前两年嗰两出，只系出嚟喊吓就走得！今次饰演小说网站编辑，系王浩信个朋友，我有对白嘅！唔系长时间开工，所以未有机会食剧组啲饭盒。”自言已爱上拍剧，更向监制自荐“𢱑剧”：“我拍剧系新人，所以乜都肯做㗎！我都问监制仲有冇角色畀我试吓，好想加入《爱．回家》，做群姐（清洁阿姐）嘅角色都可以。（同张景淳合作喎？）冇问题！但做妓女、性感嗰啲就唔好，要顾及小朋友Fans嘅感受。”

Hana又指《刑》剧获台前幕后如家人般照顾，最开心跟王浩信“相认”，原来两人于两年多前合唱过《溏心风暴3》的片尾曲《欲言又止》：“首歌有成600几万点击㗎，今次拍剧成日倾唱歌啲嘢。”谈到有传参演的王浩信、连诗雅与戴祖仪都争取唱剧集歌，Hana爆料：“黎诺懿都话自己唱歌好好听，叫监制畀佢唱，佢仲话一开口唱，我会无地自容！哈哈！（剧集歌得三首咋喎？）暂时我未知有冇得唱，虽然监制话我走唔甩，但如果有半首歌唱已经好开心喇！”​