杨秀惠36岁生日抱B女庆祝 林宣妤穿州过省到贺

etin

艺人杨秀惠荣升为人母，早前又自爆网店营业额超过一亿港元，家庭事业两得意，生咗囡囡果然好脚头！昨日系呢位女强人36岁生日，前日喺家乡马来西亚新山举行生日会，与丁子朗传绯闻嘅华姐林宣妤特意由吉隆坡穿州过省为佢庆生，仲送咗扎花畀寿星女，认真够老友！而无法出席嘅好姊妹岑杏贤，亦有视像越洋送祝福。

杨秀惠分享当日嘅相片到社交网，见将户外布置满粉红色气球，做咗人母依然有颗少女心。而今年最特别当然系有囡囡陪佢度过，难怪佢冧爆留言：“我的小宝贝，你就是妈妈最棒的生日礼物，妈妈爱妳﹗每次见到她的笑容心都会融化。”有女万事足呀！​